Milyon-milyong views ang inani ng collaboration content nina content creator na Its Stefano at Charo Cordial ng Maddox Jewelry matapos itong pag-usapan ng maraming netizens sa social media.
Sa kanyang pagbisita sa showroom ng Maddox Jewelry, naging tampok hindi lamang ang mga alahas kundi pati na rin ang magaan at nakaaaliw na kuwentuhan ng dalawa.
Isa sa mga naging usap-usapan ay ang mga jewelry pieces na pinagpilian ni Stefano, na umabot umano sa halos P6 milyon ang kabuuang halaga. Dahil dito, marami ang napa-wow at na-curious sa mga napusuan niyang alahas.
Hindi rin nagpahuli si Charo sa pangungulit tungkol sa personal na buhay ng content creator, kabilang na ang kanyang love life. Ngunit sa halip na magbigay ng mahabang paliwanag, napangiti at nagbigay lamang si Stefano ng maiikling reaksiyon na lalong ikinatuwa ng kanyang followers.
Dahil dito, marami ang nagsimulang magtanong kung mayroon nga bang espesyal na tao sa buhay ng content creator, lalo na nang mapunta ang usapan sa posibilidad na may nililigawan itong sikat na artista.
Bukod sa naging usap-usapan nilang vlog, umani rin ng positibong reaksiyon mula sa netizens ang iba pang viral content ni Stefano, kabilang ang kanyang "Boss for a Day" video na nagbigay ng maraming nakakatawang komento mula sa kanyang followers.
Sa kasalukuyan, patuloy pa ring pinag-uusapan online ang collaboration nina Its Stefano at Charo Cordial, na umani na ng milyon-milyong views at engagement mula sa mga netizens.
Para sa iba pang updates, maaaring sundan ang official Facebook, TikTok, at YouTube pages ng Maddox Jewelry.
No comments:
Post a Comment