Nadine Lustre at BF Christophe Bariou, Pinagiinitan ng Lokal na Political Dynasty Matapos Magsalita Tungkol sa Korapsyon sa Siargao

Matapos magsalita sina Christophe Bariou at Nadine Lustre tungkol sa umiiral na korapsyon sa Siargao, nagsimula ang serye ng mga artikulong malinaw na naglalayong siraan ang dalawa, lalo na ang negosyo ni Christophe. Sunod-sunod na lumilitaw ang questionable na mga artikulo, halatang binuo para kontrolin ang narrative at pagtakpan ang hindi komportableng katotohanang nabunyag sa publiko. 

Makikita rin sa mga artikulo na ang mga ito ay sponsored at boosted, isang galawang mas
nagpapakita ng PR push kaysa totoong investigative journalism. At kung ethical reporting ang pinag-uusapan, medyo mahirap i-justify kung bakit mas mabilis pa ang paglabas ng promos kaysa sa pag-check ng basic facts. 

Sa pag-atake nila sa Maison Bukana, iginiit pa nilang “reclaimed land” daw ang property. Pero kahit isang mabilis na tingin sa satellite images ang magsasabi kung ano ang totoo: walang ebidensya, walang reclamation, walang basehan. Malinaw na sinusubukang pilitin ang isang kuwento na hindi tumutugma sa realidad.

Matagal na ring usap-usapan sa publiko ang mabibigat na alegasyong iniuugnay sa pamilya Matugas. 

Kabilang dito ang: 

• Maling paggamit at paglipat ng pondo, tulad ng kasong kinasasangkutan ni dating Governor Francisco “Lalo” Matugas na ini-indict ng Ombudsman dahil sa umano’y iligal na pag-realign ng ₱60M disaster funds

• Mga reklamong ghost projects at substandard infrastructure na iniuugnay sa Boometrix, kumpanyang nakakorner ng bilyon-bilyong kontrata sa probinsya

• Ang pagbanggit sa Surigao del Norte 1st District Rep. Francisco Matugas sa listahan ng ICI ng walong “cong-tractors” na nirerekomendahang sampahan ng kaso dahil sa umano’y iregularidad sa flood control projects

Lahat ng ito ay dokumentado, naka-file, o kasalukuyang iniimbestigahan ng mga ahensya ng gobyerno. Hindi ito haka-haka, hindi imbento, at hindi galing sa ingay ng social media.

Sa kabuuan, masyadong kapansin-pansin ang timing at direksyon ng mga sponsored hit pieces laban kay Christophe. Hindi ito mukhang public interest. Mukha itong malinaw na pambu-bully at harassment laban sa isang taong naglakas-loob magsabi ng totoo tungkol sa mga isyung matagal nang idinaraing ng maraming taga-Siargao.

At kung ganito kabilis ang kanilang pag-atake sa sinumang nagsasalita, mas lalo lang nitong pinapatunayan kung bakit kailangang may magtanong, may tumindig, at may magsabi kung ano talaga ang nangyayari.